समाज
काठमाडौं । सरकारले संसद् अधिवेशन रोकेर अध्यादेश ल्याएको छ। सोमबार बसेको मन्त्रिपरिषद् बैठकले २ वटा अध्यादेश जारी गर्न राष्ट्रपति रामचन्द्र पौडेलसमक्ष सिफारिस गरेको हो ।
बैठकले सहकारी र संवैधानिक परिषद् सम्बन्धी दुई वटा अध्यादेश जारी गर्न राष्ट्रपतिसमक्ष सिफारिस गरेको छ।
बैशाख ८ गतेको मन्त्रिपरिषद्को बैठकले संसद् अधिवेशन आह्वानका लागि राष्ट्रपति समक्ष सिफारिस गरेकोमा बैशाख ९ गते राष्ट्रपति पौडेलले बैशाख १७ गतेका लागि संसद्को अधिवेशन आह्वान गरेका थिए। तर, बैशाख १० गते नै सरकारले अधिवेशन स्थगनका लागि सिफारिस गरे वमोजिम राष्ट्रपतिको कार्यालयले अधिवेशन स्थगनको सूचना जारी गरेको थियो ।
संसद् अधिवेशन आह्वान गरेको भोलिपल्ट नै अधिवेशन स्थगित गरेको सरकारले अध्यादेश ल्याएको हो।
प्रतिक्रिया दिनुहोस्: