समाज
प्रधानमन्त्री केपी शर्मा ओलीले आगामी १५ गते काठमाडौं नेकपा एमालेको नियन्त्रण हुनुपर्ने बताए।
ओलीले प्रतिगामी तत्त्वहरूलाई परास्त गर्न निर्देशन दिदै जेठ १५ गते हुने प्रदर्शनको विपक्षमा तयारी रहन र जनतालाई भ्रम चिर्न आग्रहगरे।
काठमाडौं । प्रधानमन्त्री तथा नेकपा एमालेका अध्यक्ष केपी शर्मा ओलीले जेठ १५ गते काठमाडौं नेकपा एमालेको नियन्त्रणमा हुनुपर्ने बताएका छन् ।
आइतबार बागमती प्रदेशमा एमालेबाट निर्वाचित वडाध्यक्षहरूको भेलालाई सम्बोधन गर्दै र राजावादीको आन्दोलनलाई लक्षित गर्दै अध्यक्ष ओलीले यस्तो निर्देशन दिएका हुन् ।
ओलीले प्रतिगामीहरूले जेठ १५ गते गर्ने प्रदर्शनको विपक्षमा तयारी रहन निर्देशन दिए । राजतन्त्र फर्कने कुनै आधार नभए पनि प्रतिगामी तत्त्वहरू सलबलाउँदा एमालेहरूको मनोबल गिर्न नहुने उल्लेख गर्दै ‘१५ गते ११ बजेदेखि २ बजेसम्म काठमाडौंमा नेकपा एमालेको नियन्त्रण हुनुपर्दछ’। कसले ‘कसरी कुन संस्था अगाडि लाग्छ, त्यसलाई छाड्दिनुस् । आन्दोलनमा प्रोटोकल सोर्टकलका कुरा हुँदैन । सबै एकैतिर अघि बढ्ने ।’
प्रतिक्रिया दिनुहोस्: